Бу сайт 2017 йилдан 2021 йилгача бўлган барча ислоҳотлар натижаларини чуқур қиёсий таҳлилини ўз ичига олган тўлақонли электрон платформадир. Бу ислоҳотлар Ўзбекистон Президенти Ш.М. Мирзиёйев томонидан тасдиқланган “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси” доирасида амалга оширилган.
“2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси” – бу мамлакат учун сиёсий, ҳуқуқий, иқтисодий ва ижтимоий ислоҳотларни амалга ошириш нуқтаи назаридан стратегик ҳужжатдир.
Ҳаракатлар стратегиясининг бешта устувор йўналишлари:
- давлат ва жамият қурилишини такомиллаштириш
- қонун устуворлигини таъминлаш ва суд-ҳуқуқ тизимини янада ислоҳ қилиш
- иқтисодиётни янада ривожлантириш ва либераллаштириш
- ижтимоий соҳани ривожлантириш
- хавфсизлик, миллатлараро тотувлик ва диний бағрикенгликни таъминлаш, чуқур ўйланган, ўзаро манфаатли ва амалий руҳдаги ташқи сиёсат юритиш